قلت اسمعيني زين يا احلى الشفايف ياوردة ن ماهي بكل البساتين

قلت اسمعيني زين يا احلى الشفايف ياوردة ن ماهي بكل البساتين

صاحت تقول اش فيك عجل(ن) وخايف
مابتل ريقي منك يامسهر العين
فيني وعهدالله وايش انت شايف
لايكون عينك ناظرة مني الشين
قلت اسمعيني زين يا احلى الشفايف

ياوردة(ن) ماهي بكل البساتين
ياللي غرامك خلف عوج(ن) نحايف
يكفيك مني يااريش العين ثنتين
تغنيك عن كثر الحكي والحلايف
الشين اشوفه منك في ناظري زين
واني على كثر التعب والكلايف
اهيم بك واعشقك عشق المجانين
والله لاشايف ولاني بعايف
وماهمني لو حال دونك سلاطين
مغير اخاف اهل العقول الخفايف
واخاف هرج الطايشين الملاعين
واخشى عليك مفرقين الولايف
اللي لهم عند المحبين وجهين
والا انا يابعد كل الطوايف
كل امنياتي في الحياه انك تجين
واهنى معك في جو رايق وكايف
الذ من كسب الذهب والملايين
قالت فهد نواف عدنان نايف
ياخي نسيت اسمك وانا اسولف الحين
واقول لك يامحمد اش فيك خايف
ما ابتل ريقي منك يا مسهر العين
وتقول لي مانساك يا احلا الوصايف
يامنيتي من بين كل المزايين
قلت اسمعي بعلمك ليش خايف
قالت محمد لاتجيب المنادين
مادام حبي خلف عوج(ن) نحايف
غلاك مابيعه ولو بالاملايين
واقفت وانا اردد عظيم الحلايف
ان العمر والروح لعيونها دين .

م،ن

» ماهي امنيتك لهذا اليوم........؟ ,
» بالكرتون والجرائد اصنعي احلى صندوق..