أمــــــل الحيـــــــاة مديرة المنتدى
دولتي : وظيفتي : طالبــــة هوايتي : تصفح النت لوني : بنفسجي رسالتي : حكمتي في الحياة : المؤمن كالورقة الخضراء لا يسقط مهما هبت العواصف مساهماتي : 914 موقعي : https://sama3.forumarabia.com تاريخ التسجيل : 21/01/2012
| موضوع: خط المدينــــــــــــــــــــه الخميس فبراير 09, 2012 12:38 pm | |
| ...خط المدينه...
يابن سعود عجزنا وحنا نرسل مع الشكاوي اهات ماوصللوها لك لين نطقبها خط المدينه مكان وده ينطق ولو انه ينطعن بسكات ويوم انه نطق جاب لأهالي الحليفه غبينه ندري ان هالشي بأمر رب البريات بس وين المسؤولين عن صوت القرايا وانينه ولا ان مالهم بدرب الشقاء اهل و بنات ما احد يشيل همنا دام بنته دراستها يقينه الصبح تطلع من لحافها لابواب الجامعات والظهر تغدا بجنب ابوها وتجلس عن يمينه وينكم عنا عذبتنا اهوال الطرق والمسافات وعند الدراسه مالنا بغيابنا اعذارن مبينه نسري بعز اليالي لو اجوائنا امطار واعاصير وعجاجات وامنا تعيش الألم وابونا دمعته وسط عينه ونواصل دربنا وحنا فقمة حزننا والمعانات وكل يوم نودع اهلنا والام فينا تودع جنينه وكله بسبيل علمن ماننعذر به الا انا مريضات وعذر بعدنا صار تافه لو سمعوا حنينه ولاتقولوا انكم دورتوأ حل لهالمشكلات والله والله والله ان مامنكم حدن اشقى جبينه كل شي قدامكم واضح والحل مابه صعيبات ولا روحوا اسألو ملاح البحر عن خط السفينه ولاتنسوا ان بنات الحليفه عليكم شاهدات يوم القيامه كلن يعرف داينه وش يدينه لابارك الله بمناصبن اخذتوها بدون فايدات وعسى رزقكم منها همن كلنا عليكم نعينه حرمتوا تهاني نيل الواثايق والشهادات وسرقتوا حلم نجلا وانتصار بالتخرج قبل حينه وقطعتوا على منال وفاطمه ونوره دروب الحياة وحطمتوا امل اهليهن بنجاح محترينه ولا تنسوا امنية حنان واسماء وفريده بالوظيفات من صغرهن يتحرن التقديم ودفعات تعيينه واذنبتوا بحق ناديه ومنال واميره بواجباتكم المهملات لين صارت نهاية ارواحهن بطريق العلم وسنينه وااااه على فراق تهاني يابعد كل البنات صبحن بدونها وبعد فراقها ماينطاق من شينه ياعسى روحها بجنان ربي مع كل الشهيدات وحسبي على الي يتغافلون عن شي شايفينه وهاذي صرختي من اسبطر والشملي والحليفه لصحاب المقامات فكونا من طريقن بالكوارث كلنا عارفينه ووصاتي وصلوا لأبن عبدالمحسن هاذي الابيات قبل تغرق حايل بدم سال بسبة اي امرن مهملينه
بقلم...طالبة بكلية العلوم وصديقة الشهيده تهاني سعد رويشد الرشيدي ..رحمك الله ياتهاني اللهم فسح لها بقبرها وانوره لها ..وانا لن انسأها ماحييت فقد كانت المثل الاعلى في اخوتها الطيبه لكثيرا من الطالبأت..ارثيها وكلي اسى لفقدانها وفخرا بها كشهيده..وحي الامل
منقـــــــــــــــــــــول | |
|